Persónulegur vefur

Komið þið sæl,
Vil minna ykkur á að núna um mánaðarmótin 1. október eru næstu skil (föstudaginn á eftir hjá staðbundna náminu). Það eru vefleiðangur, tæknisaga og fyrstu drög að persónulegum vef. Í þessu námskeiði á hver að gera einn vefleiðangur um sjálfvalið efni.

Það á líka að skrifa tæknisögu (sjá leiðbeiningar http://www.asta.is/skolastarf/taeknisaga.htm )
Uppkasti af þessu á að skila núna á blogger dagbók. Athugið að það nægir að það sé uppkast núna þannig að endilega skrifið það í blogger dagbókina. Svo bið ég ykkur líka að skrifa hugmynd um hvað þið viljið setja sem persónulegan vef þ.e. hvað þið viljið bæta við vef sem þið eruð sennilega flest byrjuð með.

Þið hafið frjálsar hendur um hvað þið viljið bæta við að öðru leyti en því að að persónulegur vefur verður að innihalda tvennt af þessum fjórum atriðum:
* Starfsferilsskrá (CV) (svona síða með ljósmynd sem segir hvað þið hafið unnið við, gott fyrir atvinnuumsóknir og ýmis konar umsóknir t.d. um styrki/skóla)
* Upplýsingasíða á ensku (síða á ensku með upplýsingum um ykkur, gott þegar maður tekur þátt í erlendu samstarfsverkefni)
* Myndaalbúm með skýringum (setja upp myndaalbúm með einhverjum myndum og skýringum í Frontpage
* Kennsluvefsíða. Dæmi um kennsluefni á vef (setja upp fræðandi texta með mynd í Frontpage)

Fyrir mánaðarmótin núna er bara að skrifa inn hugmynd í blogger.

Comments

[Hulda Björk]

hæhæ ég er að vinna í heimsíðunni og á skilasíðunni kemur þetta;
[Add this page to the Navigation view to display hyperlinks here]
Skilasíðan er allt í lagi á netinu en ég ætlaði samt að setja inn krækju og núna get ég ekkert gert í þessa dálka [Add this page to the Navigation view to display hyperlinks here]

Síðan er samt staðsett í Navigation
Veistu hvað getur verið að????

Er hægt að ná einhvern vegin í þig, þegar maður er að vinna í síðunni, það getur nefnilega verið auðveldara að útskýra hvað ég er að meina í töluðum orðum.

Bless í bili
Hulda

[Kolbrún Erla]

Halló!
Langaði bara að benda fólki á ráðleggingar um gerð starfsferilsskráar. Á síðunni job.is er að finna bæði góð ráð og einnig tilbúin snið fyrir CV. Slóðirnar eru http://www.job.is/rettindatorg/hiring.asp fyrir ráðleggingar og http://www.job.is/downloads/cv.doc fyrir snið.

Kveðja, Kolla

[Hulda Björk]

halló Salvör.. sá að skilasíðan mín virkar ekki ef maður klikkar inn á hana frá fjarnememum 2003 inn á www.asta.is/skolastarf
það kemur upp vitlaus síða... skilasíðan mín er herna http://nemendur.khi.is/huldgudm/skolastarf/verkefni.htm
Þú kannski kíkir á þetta við tækifæri
bæjó Hulda

[Jóhanna S]

Sæl Salvör

Ég virðist ekki geta bætt við síðum á vefinn minn. Ég ætlaði að setja inn skilasíðu og hafa þar undirsíður með verkefnum en á nýju síðunum koma ekki "banners" og tenglar inn eins og á síðunum sem fyrir eru. Hvað er ég að gera vitlaust?

Kveðja,
Jóhanna á Sigló