Upplýsingatækni og skólastarf

Ýmis bloggverkfæri

Margir vilja setja athugasemdir við blogg. Það eru ýmis kerfi sem bjóða upp á það t.d. blogspeak og blogout.
Yfirlit yfir ýmis bloggverkfæri

Spjallgluggi frá Tag-board virkar ekki nema setja settings-> formating->encoding á Western ISO-8859-1 en þá ruglast allt.

sæstrengurinn kom í land í dag

Bendi ykkur á frétt um málið í Morgunblaðinu í dag. Reiknað er með því að FARICE-1 sæstrengurinn verði tekinn í notkun í janúar 2004. Hingað til hefur Ísland aðeins tengst um einn sæstreng (CANTAT-3) til útlanda. FARICE-1 er ríflega 100 sinnum afkastameiri en CANTAT-3.

Verkefnaskil - tímatafla

Vil benda öllum á að ég hef sett upp tímaáætlun fyrir námskeiðið undir FERLI á vefsíðunni.

Það átti bara að vera komin vel á stað með blogger 1. september, ég hef leiðrétt það sem stóð á vefnum.

Næstu verkefnaskil eru 15. september.

Næstu skrefin eru að skoða einfalda gerð af nemendaverkefnum VEFRALLÝ. Þetta er ágæt æfing í að búa til vefverkefni fyrir nemendur. Skoðaðu um vefsíðuna um vefrallý og prófaðu sjálf(ur) að fara í gegnum eitthvað vefrallý. Skrifaðu eigin vefrallý verkefni í blogger. (þú setur það svo seinna upp sem vefsíðu.

Skoðaðu vefsíðuna um margmiðlun og fjarkennslu með Powerpoint. Skrifaðu inn í blogger eigin hugmynd um kennsluefni í Powerpoint (5 til 25 glærur) um sjálfvalið efni en þannig að það henti til fjarkennslu þar sem fyrirlesari myndi segja eitthvað með hverri glæru.

Athugaðu að þetta á bara að vera hugmynd (hugmyndin má alveg breytast) og fyrstu vinnupunktar.

Málþing og fjarfundur um símenntun

Bendi ykkur á að þriðjudaginn 9. september verður haldið málþing í tilefni Viku símenntunar. Málþingið verður haldið á Hótel Loftleiðum kl. 9:00 - 12:00, undir yfirskriftinni "Fjarnám". Mögulegt verður að fylgjast með málþinginu í fjarfundi á landsbyggðinni.

Nánar um málþingið:

Málþing á Loftleiðum 9. september kl. 9-12