Upplýsingatækni og skólastarf

Vefleiðangur

Að safna og nota og uppbreyta gögnum - í anda hugsmíðahyggju og lausnaleitanáms

http://www.asta.is/skolastarf/vefleidangur.htm

Vefleiðangrasafn FB
http://ut.fb.is/links

Við höfum áður farið í verkefni fyrir nemendur sem tengjast því að þeir eiga að safna saman ýmsum upplýsingum á Netinu. Svoleiðis verkefni eru t.d. vefrallý. Við viljum hins vegar oft búa til verkefni sem ganga lengra en aðeins að safna saman gögnum - við viljum að nemendur vinni að verkefnum þar sem þeir viða að sér nýrri þekkingu og nota hana til að búa til eitthvað, skapa eitthvað eða leysa vandamál. Við erum ekki að leita eftir því að nemendur geti tileinkað sér þekkingaratriði til að geta þulið þau upp heldur að reyna að þjálfa nemandann í bæði að safna og nota upplýsingar við eitthvað verðugt viðfangsefni.

Hér er aðalatriðið að það sé eitthvað verkefni, eitthvað vandamál sem þarf að leysa. Það er líka kjarninn í lausnaleitanámi. og í anda hugsmíðahyggju. . Við búum til vefleiðangur þar sem fókusinn er á verkefnið - hvað á að koma út úr vinnu nemenda - hvernig eiga þeir að nota það sem þeir hafa lært.

Vefleiðangur er staðlað form af verkefnum þar sem við byrjum á segja hvert viðfangsefnið , hvað á að koma út úr verkefninu og í hvaða hlutverki nemandinn er. Við komum með tillögu um vinnulag (ferli) og gefum upp vefslóðir þar sem nemandinn á að leita fyrir sér og segjum honum hvernig verkefnið verður tekið út.

Nýlegir vefleiðangrar:

Fréttamiðlar á vefnum
http://www.ismennt.is/not/audh/vefleidangur1.htm

ESB
http://www.simnet.is/rafnk/baldur/evropa_vefur/forsida.htm

Vor við Seyðisfjörð
http://www.ismennt.is/not/bmj/vorleidangur.htm

Þjóðsögur
http://www.ismennt.is/not/baa/thodsogur1.htm

Vefleiðangur um Danmörku
http://www.ismennt.is/not/stina/vefleidangur.htm

Handgerður pappír
http://www.ismennt.is/not/gjon/webquest/wqpappirsgerd.htm

Námsvefur um handgerðan pappír
http://www.ismennt.is/not/gjon/pappirsvefur/index.html

Áhugavert námsefni - learning.com

Hilmar Hafsteinsson bendir á þetta ágæta námsefni. Ég hef skoðað það og líst vel á. Eruð þið til í að skoða líka og skrifa athugasemdir hér eða skrifa Hilmari í bloggið hans.

Bréfið frá Hilmari er svona:

Mig langar til að biðja þig um aðstoð. Undanfarna mánuði hef ég verið í póstsambandi við Mark Tullis, VP Business Development hjá Learning.com. Í kjölfarið var ég að fá 90 daga trial á öllu námsefni learning.com í upplýsingatækni/tölvufræði fyrir K1 - K12. Ég er byrjaður að prófa námsefnið í Digranesskóla og nemendur hafa verið mjög ánægðir. Þeir hafa átt auðvelt með að tileinka sér námsefnið og þurfa óverulega aðstoð.

Ég er búinn að stofna aðgang fyrir nemendur í upplýsingatækni við KHÍ til að prófa þetta námsefni. Username er KHI03 og Password er kynning. Ég setti inn allt námsefni fyrir K8, en mikilvægt er að átta sig á að learning.com býður uppá mjög ítarlegt og gott námsefni fyrir alla flóruna, þ.e. 1. - 10. bekk grunnskóla.

Mig langar til að biðja þig að kynna þetta námsefni fyrir nemendum í staðarnámi og fjarnámi, svo og að fá feedback frá þér og öðrum kennurum í upplýsingatækni/tölvufræði við KHÍ á þetta námsefni.

Endilega bregðist við þessu! Hér er um áhugavert námsefni að ræða.

Tölvur í leikskólum

Ég man að í staðbundnu lotunni þá kom fram að nokkrir á þessu námskeiði eru leikskólakennarar. Mér langar til að segja ykkur frá að nú hefur íslenskt verkefni Vísindavefur leikskólans Iðavallar, Það er leikur að læra, er kominn í úrslit eSchola verðlaunasamkeppninnar. Hann er meðal 10 verkefna sem hafa verið valin af u.þ.b. 600 sem bárust í keppnina.

Það er leikur að læra

UST í íslenskum leikskólum

Ég var kennari á fyrsta námskeiðinu sem haldið var fyrir nemendur á leikskólabraut 1999.
Tölvur í leikskólanum 1999
Það er heilmikið að gerast hjá sumum leikskólum varðandi tölvunotkun. Hér má sjá hvað leikskólinn Funaborg er að gera.

Deilt um áhrif tölvuleikja í USA

Þessi frétt Deilt um áhrif tölvuleikja var í Morgunblaðinu í gær. Tveir unglingspiltar í Tennessee í Bandaríkjunum, sem skutu að bifreið, með þeim afleiðingum að einn lét lífið og annar slasaðist alvarlega, segjast hafa fengið hugmyndina frá tölvuleiknum Grand Theft Auto.

ESA sem er samtök tölvuleikjaframleiðenda reynir að sannfæra almenning um að leikirnir hafi ekki verið kveikja að glæpnum.

Psychologist: computer game violence desensitizes youngsters 8.1.03 Í þessari grein er varað við áhrifum tölvuleikja og lagt til að foreldrar hafi tölvur í opnum rýmum á heimilinu svo þau geti fylgst með tölvunotkun.

Iraq war game comes under fire Grein í Guardian í ágúst 2003 um mótmæli vegna stríðsleiks

Stjórnvöld í Tælandi hafa bannað krökkum að vera í tölvuleikjum á vissum tímum dags. Leikir eins og Ragnarok Online,, Anarchy Online og Dark Age of Camelot hafi þótt varhugaverðir víða um lönd.

10 vinsælustu tölvuleikirnir skv. ELSPA júlí 2003

1) Tomb Raider: the Angel of Darkness (PS2, PC)
2) Eyetoy: Play (PS2)
3) SOCOM: US Navy Seals (PS2)
4) Enter the Matrix (PS2, GC, XB, PC)
5) The Sims: Superstar (PC) Electronic Arts
6) Grand Theft Auto: Vice City (PC, PS2)
7) Starsky & Hutch (PS2, Xbox, PC)
8) HULK (PS2, Xbox, GC, PC)
9) World Championship Snooker 2003 (PS2, Xbox)
10) Midnight Club II (PS2, Xbox)

Blogg sem náms- og kennslutæki

Hvernig nýtist blogg í námi og kennslu?

Annálaskrifarar nútímans

Um annálaskrifara nútímans
Annálar voru ekki eingöngu skrifaðir á Íslandi 1400-1800, það er núna kominn blómatími nýrrar tegundar af annálum - nú er auðvelt að búa sér til annál á vefnum og skrá í tímaröð hvað sem manni dettur í hug. Ekki eingöngu texta, það má líka hafa tal, myndir og vídeó. Þetta er miklu, miklu einfaldara en gera vefsíður eða setja upp umræðulista og hver sem er getur sett upp sinn eigin annál og byrjað að birta heimsbyggðinni skrif sín.

Skrifin koma í tímaröð - það nýjasta efst. Þannig eru líka annálarnir eins konar fréttamiðlar, geta verið ópersónuleg fréttabréf eða innilegar dagbækur sem lýsa dýpstu þrám og tilfinningum. Mér finnst hérna komið alveg úrvalsverkfæri til ýmis konar ferilsvinnu - verkefna sem standa yfir langan tíma og þróast smám saman. Núna hefur kviknað mikill áhugi skólamanna víða um heim á svona. Í námi nútímans leggjum við áherslu á að nemandinn byggi upp eigin þekkingu og sé meðvitaður um sína þekkingar- og skilningsleit. Ég held að annálar af þessum toga séu ágætt verkfæri til þess að skrá svona feril einhvers konar náms - líka persónulega þroskasögu. Það er hægt að nota svona dagbækur á vefnum á ýmsa vegu, breyta ásýnd hennar svo hún passi viðkomandi og skrifa í hana hvenær sem manni dettur í hug. Kannski nokkrum sinnum á dag, kannski líða einhverjar vikur á milli. Vefannálar eru ný ritunaraðferð - það er eins og hægt sé að vera frjálsari og innilegri og láta allt vaða (alltaf hægt að breyta seinna), setja fram hugmyndir sem eru að kvikna og seinna verður unnið úr. Margir nota annála til að skrifa dagbækur á Netinu. Þessar dagbækur eru oft mjög persónulegar og andstæða við fréttabréf.

Blogg - annálar - viðburðaskrár - dagbækur - fréttabréf
blogg eða annálar eða viðburðaskrár á vefnum (web logs) eru eins konar dagbækur þar sem eigendurnir geta skráð inn og birt stuttar greinar og úrdrætti, hugmyndir og hugsanir og ýmis konar upplýsingabúta án þess að þurfa að fara og uppfæra vefsíður á hverjum degi. Flestir annálar á vefnum eru eingöngu innlegg frá einum aðila, eigandi annálsins er pistlahöfundur sem hefur sérstakt lykilorð sem gerir honum kleift að slá inn pistla gegnum vefinn. Hann getur þannig hvar sem hann er staddur í heiminum farið á vefinn og bætt í dagbókina sína. Ef aðrir hafa notendanafn og lykilorð geta þeir líka bætt í dagbókina, þannig er hægt að nota svona annála við ýmis konar ferilskráningu, viðburðaskrár, fréttamiðlun og hópvinnu þar sem framlögin koma í tímaröð og við viljum að það nýjasta sé efst.

Það er miklu einfaldara að halda úti vefannál en umræðulista á vef því að er enginn strúktúr nema tímaröð - innleggin eru í tímaröð og það nýjasta efst. Það er líka miklu einfaldara að gera vefannála en vefsíður og auðvelt að bæta við þá - ekki þarf neitt að spá í ftp forrit og breytingar á vefsíðum.

Það getur verið sniðugt að tengja annála við vefsíður. Reyndar eru forsíðurnar á mörgum vefsvæðum núna nokkurs konar blogg eða fréttasíður.

Teikniforrit

Það eru til ýmis verkfæri til að vinna myndir til að nota á vefsíðum. Til dæmis eru Photoshop og Fireworks MX og Gimp og Paintshop Pro ágæt verkfæri. Gimp er "open source" teikniforrit. Það er líka hægt að fá á Netinu "open source" teikniforrit fyrir krakka, t.d. TUX Paint

Flest af þessum forritum er hægt að hlaða niður af Netinu og eru þau ókeypis í 30 daga. Þá renna þau út.
Paintshop pro kostar um $99 er á http://www.jasc.com/

Jalbum - ókeypis forrit til að búa til myndaalbúm á Netinu

Antix photogallery

Vefrallý

Núna er málið hjá ykkur að vinna að tveimur verkefnum þ.e. vefrallý og fyrstu hugmyndum að powerpoint verkefni. Þið eigið ekki á þessu stigi að setja verkefnin upp í Frontpage heldur skila þeim í Blogger dagbókinni (skil 15. september hjá fjarnemum, föstudaginn eftir hjá staðnemum) - eftir þann tíma þá förum við í vefsíðugerð í Frontpage og hvernig við setjum vefrallý upp á vefsíðu. Núna hins vegar er bara að semja inntakið þ.e. textann.
Sjá almennt um vefrallý
http://www.asta.is/skolastarf/vefrally.htm (um vefrallý)

til að fá hugmyndir eru hér dæmi um vefrallý unnin vor 2003 af nemendum í framhaldsdeildinni:
Þessi vefrallý er búið að setja upp á vefsíður - Munið við erum ekki komin að þeim punkti - við erum bara að semja textann.

http://www.ismennt.is/not/audh/vefrally2.htm Morgunblaðið
http://www.ismennt.is/not/baa/vefrally.htm ITR
http://www.ismennt.is/not/baa/vefrally_2.htm Hólabrekkurskóli
http://www.ismennt.is/not/bhk/umhverfis.htm Umhverfismennt
http://www.ismennt.is/not/bhk/vefrall%FD-mbf.htm Mjólkurbú flóamanna
http://www.ekra.is/fanny/vefrally2.htm Skólarallý fyrir leikskólabörn
http://www.ekra.is/fanny/vefrally1.htm Rallý fyrir leikskólakennara
http://www.ismennt.is/not/gerdur/safnaferd.htm Söfn á Íslandi
http://www.ismennt.is/not/gerdur/bodin.htm Rómversku böðin
http://www.ismennt.is/not/gan/Vefrally.htm Vefrally f. 5. bekk grunnskóla
http://www.ismennt.is/not/gjona/portfolia/vefrally1.htm Mannfjöldi á íslandi 2002
http://www.ismennt.is/not/gjona/portfolia/vefrally0.htm Mannanöfn á íslandi
http://www.melsted.net/vefrally.htm Vefrallý dags íslenskrar tungu
http://www.ismennt.is/not/isig/verkefni/vefrally/vefrally1.htm Framhaldnám í bakstri
http://www.ismennt.is/not/stina/vefrally.htm Listavefur barna
http://www.ismennt.is/not/km/vefrally.htm Rúv
http://www.ismennt.is/not/keli/Vefverkefni/vefrally-um-heiminn/heimurinn.htm Vefrallý um geiminn
http://www.ismennt.is/not/thtraust2/vefrally.htm Vefrallý um landsvirkun

Munið eftir að skrifa reglulega í bloggdagbók og fylgjast með kennarabloggi á http://asta.typepad.com/skolastarf
Skrifið í kommentin þar ef það er e-ð sem þið viljið spyrja mig um.
Eða skrifið á skolastarf@hotmail.com
Seinna á námskeiðinu tökum við umræðuvettvang í notkun (ég er búin að setja hann upp á www.asta.is/spjall ).

Íslendingar nota Netið manna mest

Þessi frétt var í Mogganum í dag:
Netnotendur eru hlutfallslega flestir á Íslandi að því er kemur fram í frétt breska blaðsins Daily Record. Ísland, Svíþjóð og Danmörk eru í þremur efstu sætunum en þar á eftir koma Hollendingar, Hong Kong-búar og Norðmenn.

Forysta Íslands á þessu sviði er raunar nokkuð afgerandi ef marka má tölur Daily Record: 787 af hverjum þúsund íbúum Íslands nota Netið reglulega en í Svíþjóð eru netverjarnir 678 á hverja þúsund íbúa og 627 í Danmörku. Bandaríkjamenn eru í 7. sæti og Bretar í því 8. en í þessum löndum nota um 570-590 af hverjum þúsund íbúum Netið reglulega.

Tölvuleikir

Ýmsir netleikir hafa færst mikið í vöxt og mikil aðsókn að leikjamótum. Næsta leikjamót SMELLUR 4 verður í Laugardagshöllinni í september.

Það færist í vöxt að spila ýmsa litla leiki á Netinu, algengir eru leikir sem nota Flash spilara. Svoleiðis spilara er hægt að hlaða ókeypis niður. Dæmi um slíka leiki eru á síðunni Orisinal og einnig á Miniclips.com og þar er m.a. boðið upp á að hlaða niður ýmsum leikjum til að setja á eigin vefsíður en örlitla kunnáttu í html þarf þó til þess. Ég prófaði að hlaða niður gamaldags Pacman leik..

Það eru margir sem hafa gaman af að taka ýmis konar próf á Netinu "hvers konar persónuleiki ert þú..." og slíkt. Ef þig langar til að búa til svoleiðis próf og setja inn þínar eigin spurningar, þá bendi ég á Quizilla.

Hér er vefur sem býður upp á ýmis konar púsluspil. JigZone

Netið er líka notað til að dreifa leikjum sem hægt er að hlaða leikjum Dæmi um síðu þar sem maður getur sótt leiki er PC games download.
Eve On-line er leikur sem hefur verið framleiddur af íslensku fyrirtæki CCP og kom nýlega á markað.

Nokkur dæmi um litla netleiki
Orisinal Mjög fallegir litlir flash-leikir
Biz Wiz Gefa til baka í búð og passa sig á þjófunum
Mutant Afskræma andlit..siðlaus...
Neighbours from Hell Raunveruleikasjónvarp á vefnum.. gengur úr trylla nágrannanna... siðlaust líka
Xtreme Skateboard brettaleikur
Orðamaskína
Nokkrir Java leikir (lemmings o.fl.)

Þungir vefir

Það er hægt að nota þennan Web Page Analyzer til að skoða hversu þung einhver vefsíða er og það verkfræi gefur einnig ýmsar aðrar upplýsingar um vefsíðuna. Mikilvægt er að vefsíður séu ekki of þungar í hleðslu, helst ekki meira en 100 k. Oft eru vefsíður lengi að hlaðast inn vegna þess að svo margar myndir eru á vefsíðum eða að myndir eru ekki unnar sérstaklega fyrir vefinn.

Skoðaðu t.d. hve leitarsíðuna google.com, hún er bara 11248 bytes (11 k) á meðan forsíða á khi.is er núna 151084 bytes (151 k). Passaðu vel að vefsíður sem þú gerir séu ekki of þungar fyrir notendur með hægvirkar nettengingar. Prófaðu að sjá hve þungar þær vefsíður sem þú notar mest eru.