Upplýsingatækni og skólastarf

Blogggreinar í dagblöðum

Fréttablaðið birti 24. ágúst 2003 grein um blogg. Sjá hér umfjöllun Más Örlygssonar
Blogggreinin í Fréttablaðinu og hér er viðtal við hann Þjóðin opnar sig á Netinu.

Þarf að vaða blint í sjóinn - viðtal við mig 22. júní 2001 í Morgunblaðinu um blogg.

Bullað á blogginu 14. september 2002 Steinunn Inga Óttarsdóttir

Verkefni til 1. september - blogg

Fjarnemar: Fram til mánaðarmóta einbeitum við okkur að því að færa dagbók í Blogger. Vefur KHÍ lá niðri um tíma í síðustu viku vegna vírusmála og ekki var hægt að komast í vefpóst hjá KHÍ. Ennþá er ekki allt komið í lag. Það veldur nokkrum töfum og hef ég ekki komist í að senda ykkur póst fyrr en núna.
Staðnemar: Námskeiðið byrjar seinna hjá staðnemum og skilafrestur er til föstudagins 12. september á þessu fyrsta verkefni.

Skoðið leiðbeiningar með bloggi

Allir eiga að halda blogg eða leiðarbók á netinu og skrifa í hana amk þrisvar sinnum í viku. Má gjarnan vera oftar. Við byrjuðum á þessum leiðarbókum í staðbundnu lotunni og allir eiga nú að hafa blogg með mynd af sér. Ég vil biðja ykkur að halda áfram að skrifa í leiðarbók (blogger) sem við byrjuðum á í staðbundnu lotunni í KHÍ og skrifa alla vegar þrjár stuttar hugleiðingar/pistla (með tengingum) um eftirfarandi:

Kynning á ykkur
Þarf bara að vera nokkrar línur í blogger

Samskiptakerfi - spjallkerfi
Örstuttur samanburður á samskiptakerfum á vefnum t.d. malefnin.com, einkamal.is, friendster.com, WCT. Hvernig hefur fólk samskipti á Internetinu? Þetta er æfing í að tengja í vefi.

Vefir fyrir kennara
Skrifa stutta færslu um einhverja góða vefi fyrir nám og kennslu. Skoða vefi fyrir kennara og æfa sig að tengja í þá í bloggfærslum. Þessir vefir geta t.d. verið:
http://www.utn.is
http://www.kennari.is
http://www.menntagatt.is

Tölvuleikir á Netinu
Æfa sig í að vísa í netleiki. Skrifa einhvern texta með um hvort þú mælir með þessum leikjavef og hvernig þér fannst hann.

Tölvuormar og tölvuvírusar

Kæru nemendur,

Eins og þið vitið þá hafa orðið mikil vandræði vegna tölvuvírusa í KHÍ sem og hjá flestum stofnunum. Vonandi líður þetta hjá fljótlega. Ég tók saman eina vefsíðu fyrir ykkur með vísunum í nokkrar greinar sem hafa birst í mbl.is og víðar. Skoðið þessa vefsíðu:

Ormar og vírusar

Námskeiðið hefst

Nú hefst námskeiðið Upplýsingatækni og skólastarf fyrir nemendur í fjarnámi í KHÍ.
Vefsíða námskeiðsins er www.asta.is/skolastarf en þessi bloggsíða asta.typepad.com/skolastarf á að verða samskiptaflötur nemenda og kennarans.