Verkefni til 1. september - blogg

Fjarnemar: Fram til mánaðarmóta einbeitum við okkur að því að færa dagbók í Blogger. Vefur KHÍ lá niðri um tíma í síðustu viku vegna vírusmála og ekki var hægt að komast í vefpóst hjá KHÍ. Ennþá er ekki allt komið í lag. Það veldur nokkrum töfum og hef ég ekki komist í að senda ykkur póst fyrr en núna.
Staðnemar: Námskeiðið byrjar seinna hjá staðnemum og skilafrestur er til föstudagins 12. september á þessu fyrsta verkefni.

Skoðið leiðbeiningar með bloggi

Allir eiga að halda blogg eða leiðarbók á netinu og skrifa í hana amk þrisvar sinnum í viku. Má gjarnan vera oftar. Við byrjuðum á þessum leiðarbókum í staðbundnu lotunni og allir eiga nú að hafa blogg með mynd af sér. Ég vil biðja ykkur að halda áfram að skrifa í leiðarbók (blogger) sem við byrjuðum á í staðbundnu lotunni í KHÍ og skrifa alla vegar þrjár stuttar hugleiðingar/pistla (með tengingum) um eftirfarandi:

Kynning á ykkur
Þarf bara að vera nokkrar línur í blogger

Samskiptakerfi - spjallkerfi
Örstuttur samanburður á samskiptakerfum á vefnum t.d. malefnin.com, einkamal.is, friendster.com, WCT. Hvernig hefur fólk samskipti á Internetinu? Þetta er æfing í að tengja í vefi.

Vefir fyrir kennara
Skrifa stutta færslu um einhverja góða vefi fyrir nám og kennslu. Skoða vefi fyrir kennara og æfa sig að tengja í þá í bloggfærslum. Þessir vefir geta t.d. verið:
http://www.utn.is
http://www.kennari.is
http://www.menntagatt.is

Tölvuleikir á Netinu
Æfa sig í að vísa í netleiki. Skrifa einhvern texta með um hvort þú mælir með þessum leikjavef og hvernig þér fannst hann.

Comments

[Sara Dögg]

sæl salvör!
eins og þú sást þá var ég að gera bloggið mitt voðalega fínt í gær og þegar ég ætlaði að fara að vinna í því núna er kassinn í template bara alveg tómur??? skil ekki alveg........
allt bara farið en samt er síðan í lagi á netinu...
áttu eitthvað ráð við þessu?
kv.
sara

[Gréta Matt]

Sæl verið þið.
BLOGG síðan liggur niðri. Allavega kemst ég ekki inná hana. Eru fleiri í þessum sporum? Nú er ég hrædd um að það sem ég var búin að skrifa í dag sé farið fyrir lítið ; (
Kveðja,
Gréta

[Hulda Björk]

hæhæ .. ég er búin að vera að vinna eitthvað í blogginu mínu og núna er allt í einu engin mynd inni... inni í template er alveg eins og allt sé í lagi og rétt slóð í myndina?? skil ekkert í þessu
Dettur þér eitthvað í hug hvað getur verið að??
Bless í bili Hulda

[Rannveig]

Hæ Gréta. Eftir að ég las þitt mail prófaði ég líka að fara á bloggið og þegar ég ætlaði að lesa það sem ég hafði skrifað var það allt með einhverjum undarlegum táknum og alveg óskiljanlegt. Vonandi að þetta komist fljótt í lag. Kveðja Rannveig

[Marit]

Hæ hæ.
Sat lengi við í dag yfir blogginu og er í sömu vandræðum og Rannveig. Allt í einu komu bara einhver torkennileg tákn fyrir íslensku stafina (ég held að það séu bara íslensku stafirnir. Ég finn enga leið til að laga þeta nema skrifa allt aftur.
Kveðja
Marit

[Gréta]

Hæ...aftur.
Það sem ég gerði fyrr í dag hvarf eins og dögg fyrir sólu. Ég er núna í sömu sporum og þið stelpur, para torkennileg tákn og ég reyti hár mitt og skegg (ef ég væri með skegg)Og botna ekki neitt í neinu!
HJÁLP!!!
Gréta

[Salvör]

Ég var að skoða bloggin hjá ykkur. Það virðast nokkrir hafa lent í að íslenskan kom ekki. Ég gat ekki séð neina skýringu, held helst að eitthvað hafi gerst hjá blogger. þetta virðist komið í lag núna.

[Laufey]

Halló öll sömul

Ákvað að prófa að senda ykkur skeyti á þessum vettvangi. Ég hef eins og fleiri hér glímt við þetta vandamál með að íslenskir stafir hverfi.

Gerði í gamni tilraunir og það var eins og þetta gerðist bara ef ég fór beint í post og publish en ekki í post fyrst og síðan post og publish. Hélt samt að það ætti ekki að skipta neinu máli.

En þá að aðalatriðinu. Á kennsluáætlun er talað um vefrallý og skiladag 1.sept. Eigum við sem sagt að skila því á morgun? Ég fékk vægt sjokk, því ég treysti á að það sem okkur hefði verið sett fyrir hér væri það sem ætti að einbeita sér að. Vona að það hafi verið rétt skilið hjá mér. Annars verð ég að fara í þetta í hvelli! Væri gott að heyra frá Salvöru.

[Laufey]

Halló aftur

Var búin að skrifa og skrifa einhverjar viðbætur um leikjavefi og fæ alltaf villu þegar ég fer í publish. Ég get ekki einu sinni sett inn nýja færslu. Snökt. Er eitthvað rugl í bloggernum eða er þetta staðbundið vandamál hjá mér :-)?

[marit]

Hæ þið

Ég get ekki séð að texti sé kominn í lag á blogger. Get samt skrifað og publishað núna án þess að allt breytist. Gamlar færslur eru samt enn ruglaðar. Eitthvað hlítur að vera að á blogg síðunni.

Kveðja
marit

[Úlfhildur]

Ég lenti líka í að það kom eitthvað rugl var sem betur fer búin að copyera textann fyrst. Prófaði síðan að segja post og publish sitt í hvoru lagi og þá var allt í lagi. Textinn var frekar langur hjá mér og sýnist mér það vera ástæðan því þetta var allt í lagi þegar ég var með styttri texta, þá koma ekkert rugl.
Bestu kveðjur Úlla

[Salvör]

það á ekki að skila fyrr en um miðjan sept. vefrallý, ákvað að breyta upphafl. áætlun vegna þess að það voru margir í tölvuvandræðum.

[Jóhanna]

Sæl öll
Ég lenti líka í þessu með íslensku stafina og allt í kollinum á mér fór eins, á hvolf! En ég ákvað að vinna bloggtextann fyrst í word og færa svo yfir, ég þurfti nefnilega að skrifa upp nánast allan textann aftur............
Kveðja
Jóhanna

[Jóhanna]

Sæl aftur

Ég varð fyrir þessu aftur þegar ég var að setja inn greinagerð um leiki á netinu. Þegar ég "postaði" þetta kom þetta út á ruglnesku. Sem betur fer gerði ég þetta fyrst í word en þetta er ekki það skemmtilegasta samt. Er ekki eitthvað sem ég er að gera vitlaust eða hvað??

[elinthorarensen]

Já þetta yndislega mál okkar, það tekur upp á því að breyta sér að eigin geðþótta.Það er nú gott að vita að maður er ekki einn um þetta. Hjá mér breyttist ekki það sem ég vildi leiðrétta en það sem ég gerði í dag var í lagi. Þegar maður flettir svo upp í eldra blogg þá er allt í einu allt í lagi. Skil ekkert í þessu KV.E.T.

[Salvör]

Hafið ekki áhyggjur af þessu með íslensku stafina, veit ekki hvað gerðist en svona getur þetta verið...
sumir lentu í að fá eitthvað skrýtið.

[Steinunn]

Fékk talsvert sjokk þegar ég opnaði tölvupóstinn minn núna 1.sept og komst að því að við eigum að vera búinn með 3 verkefni á blogginu. því miður vissi ég ekki af þessum 3 verkefnum en hef samt skrifaði í dagbókina aðeins en tölvumálin hafa ekki verið sem best hjá mér en allt er komið í lag núna og ég reyni að kippa þessu í liðinn þótt 1.sept sé kominn.

[Hulda Björk]

hæ Salvör, sá að þú varst búin að kíkja inn á bloggið mitt og skrifa inn á spjallið að það væri hægt að hafa íslenska stafi... mér var búið að detta það í hug, en veit ekkert hvernig ég á að gera það??? Heldurðu að þú getir hjálpað mér eitthvað?? Bæ í bili Hulda

[Úlfhildur]

Hæ Salvör
Ég var að setja Tag board inn á bloggið hjá mér. Finnst bara lítið varið í það því það virkar ekki með íslenskum stöfum. Er hægt að laga það og þá veistu hvernig.
Bestu kveðjur Úlfhildur

[Úlfhildur]

Komdu sæl aftur,
Annað sem mér datt í hug, get ég sett teljara inn á síðuna svona til að fylgjast með hvort það séu einhverjir að lesa það sem ég skrifa. Hvar get ég þá nálgast teljarann?
Kveðja ÚHG

[Úlfhildur]

Ég fann auðvitað teljarann bara sjálf með því að leyta á Google. Svona getur maður verið fljótfær.

[Salvör]

Úlfhildur, ókeypis teljari er hjá www.teljari.is og víðar á vefnum.

[Eggert Björgvinsson]

Hæ Salvör, bloggsíðan mín virkar engan veginn. Ég var að velta því fyrir mér hvort að þú gætir sett síðuna mína upp því ég virðist ekki ná því almennilega.

[Salvör]

Eggert, skoðaði bloggsíðuna. Hún virkar fínt hjá mér. Ég prófaði að setja inn texta.